Qur’aaiyaat By Maulana Nadeem Ahmed Ansari

Download

(کتاب: قرآنیات (قرآنِ کریم سے متعلق چھ علمی رسائل کا مجموعہ

        تصنیف: مولاناندیم احمد انصاری

        صفحات:240

        تعداد:500

        سنِ اشاعت:2017ء

        قیمت: 190روپے

        ناشر: الفلاح اسلامک فاؤنڈیشن، انڈیا

ISBN :  978-93-5262-504-04

کتاب حاصل کرنے کے لیے رابطہ کریں: 09022278319

اس کتاب پر علما کے تاثرات وغیرہ سے چند اقتباسات ملاحظہ ہوں:

مولانا ندیم احمد انصاری زید فضلکم و مجدکم کے تصنیف کردہ چھ رسائل کا مجموعہ بنام’قرآنیات‘جو قرآن سے متعلق مضامین پر مشتمل ہے؛ موصوف نے ان رسائل میں مفید معلومات کو مدلل و محقَّق انداز میں جمع کیا ہے۔ ممبئی جیسے مصروف ترین شہر میں علم کی خدمت اس انوکھے انداز میں کرنا اور علمی تحقیقات کو اپنا مشغلہ بناے رکھناکمال کی بات ہے اور اغیار کی طرف سے اٹھنے والے سوالات و اعتراضات کے جوابات دینا اور قاری کو دلائل سے مطمئن کرنے کی بھر پور کوشش کرنا اور اپنی بات کو مثبت انداز میں پیش کرنا یہ خدا کا خاص فضل ہے، ذٰلک فضل اللہ یؤتیہ من یشاء۔ان رسائل کو بندے نے اکثر مقامات سے مسلسل دیکھا۔ ہر بات کو محوَّل پایا اور اکابر کی چیزوں کو مرتَّب انداز میں پیش کیا گیا ہے۔

العبد محمود عالم عفی عنہ

مظاہر علوم (وقف)سہارنپور

۷؍ربیع الثانی ۱۴۳۷ھ بہ مطابق  ۱۸؍جنوری، ۲۰۱۶ء

۔۔۔

مولانا ندیم احمد انصاری سلمہ الباری کو اللہ نے خاص صلاحیتوں سے نوازا ہے۔ تصنیف و تالیف کا بھی انھیں خاصا ذوق ودیعت ہوا ہے، چناں چہ اب تک مختلف موضوعات پر ان کے کئی رسالے شائع ہو چکے ہیں۔ اسی سلسلے کی کڑی ان کی تازہ تصنیف ’قرآنیات‘ ہے، جس میں مندرجۂ ذیل رسائل و مقالات ہیں:(۱)حقوق القرآن علیٰ صاحب الایمان(۲)قرآنِ کریم کی تلاوت کے فضائل و مسائل(۳) ختمِ قرآن کتنے دن میں؟(۴) قرآن و ترجمۂ قرآن کی کتابت و اشاعت کے نئے مسائل (۵) قرآنِ کریم کے مضامین کا منظوم ترجمہ(۶) قرآن خوانی کی رسم : شریعت کی نظر میں۔امید ہے کہ ان کی دوسری تصانیف کی طرح یہ بھی امت کے لیے مفید ثابت ہوگی۔

READ  Rajab By Maulana Nadeem Ahmed Ansari

العبد عزیز الرحمن فتحپوری عفی عنہ

۱۱؍ربیع الاول ۱۴۳۷ھ

۲۳؍دسمبر ۲۰۱۵ء

۔۔۔

اللہ جزائے خیر دے محبی فی اللہ مولانا ندیم احمد انصاری (ڈائریکٹر الفلاح اسلامک فائونڈیشن ممبئی، انڈیا) کو کہ انھوںنے قرانِ کریم سے مسلمانوں میں عام ہوتی ہوئی غفلت اوربے توجہی کو محسوس کیا اوراس کی خطرناکی کا ادراک کیا،چنانچہ انہوں نے قرآن کریم کے مسلمانوں پر حقوق،تلاوت قران کے فضائل ومسائل ،اورآداب،نیزقران نیزقران کے متن اورترجمہ کے طباعت وکتابت سے متعلق مسائل ،منظوم ترجمہ قرآن کا حکم اورقرآن خوانی جیسے امورپر مختلف اوقات میں مقالے تحریر کئے تھے،اب ان کو یکجاکرکے کتابی صورت میں شائع کررہے ہیں؛تاکہ اس تعلق سے جوغفلت عام ہے، اس میں کمی آئے اورمسلمان قران کریم کی جانب رجوع ہوں،انہوں نے قرآن کریم کے تعلق سے کچھ جدید مسائل پر بھی بحث کی ہے، جس کا جاننامسلمانوں کیلئے اہم ہے۔ اس سے پہلے بھی ان کے قلم سے متعدد تحریریںمنظرعام پر آچکی ہیں اورانھیں پسندیدگی کی نظرسے دیکھاگیاہے،اللہ ان کی اس کاوش اورکوشش کوقبول فرمائے اور امت مسلمہ میں پذیرائی بخشے ۔(آمین)

خالد سیف اللہ رحمانی

خادم المعہدالعالی الاسلامی، حیدرآباد

۲۸؍ربیع الثانی ۱۴۳۷ھ

۔۔۔

اس وقت میرے سامنے حضرت مولانا ندیم احمدصاحب کی کتاب ’قرآنیات‘ ہے۔ قرانِ کریم سے متعلق مختلف موضوعات پربے حد مفید مقالات کا یہ مجموعہ ، ایک علمی شہ پارہ ہے۔ مولانا موصوف نے قرانِ کریم سے متعلق چھ تفصیلی مضامین پہ قلم اٹھایا اور یقیناً انھوں نے حق ادا کردیا ہے۔ میں نے ان تمام مضامین کو مکمل دیکھا ہے، بعض مقامات پر معمولی مشورہ بھی دیا اورکافی استفادہ بھی کیا ہے۔ یہ مقالے تحقیقی ، عربی عبارتوں سے محوّل و مزین اور عمدہ اسلو ب میں لکھے گئے ہیں۔ اس کتاب کی اہمیت کا اندازہ مقالا ت کے عناوین سے بھی لگا یا جا سکتا ہے، چناں چہ وہ چھ مضامین یہ ہیں؛(۱) قرآنِ کریم کے حقوق‘ایمان والوں پر(۲)قرانِ کریم کی تلاوت کے فضائل ومسائل(۳)ختمِ قرآن کتنے دن میں(۴)قرآنِ کریم کے متن و ترجمے کے نئے مسائل(۵)قرآنِ کریم کے مضامین کا منظوم ترجمہ:احکام ومسائل(۶)قران خوانی کی رسم: شریعت کی نظر میں۔ ان عناوین سے ہی آپ کو اندازہ ہو گیا ہوگا کہ یہ علمی و تحقیقی مقالات کس قدر اہم اور لا ئقِ مطالعہ ہیں۔

READ  Sawm-e-Mahmood by Maulana Nadeem Ahmed Ansari

        یوں تو قرآن ِ کریم کے مختلف علوم واحکام پر متعد د کتابیں لکھی گئی ہیں۔۔۔ لیکن یہ کتاب ان تمام سے بالکل الگ اپنی نوعیت کی ایک نادر تحریر ہے۔ قرانِ کریم کے علوم ومعارف پر مشتمل یہ وقیع مضامین عوام وخواص دونوں کے لیےیکساں مفید ہیں کہ اسلوبِ تحریر انتہائی سادہ ہونے کے ساتھ علمی بھی ہے۔ موصوف کی تحریر میں ایک خاص بات یہ نظر آتی ہے کہ اپنے ہر موقف کو بیان کرنے کے لیے علماے متقدمین کے آرا ونظریات کو حتی الامکان ذکر کرنے کی کوشش کرتے ہیں بلکہ بعض دفعہ اپنی طرف سے کچھ لکھے بغیر ان کی تحریروں کو نقل کرنا ہی کافی سمجھتے ہیں۔ دراصل اعتدال کے ساتھ اکابرینِ امت پر مکمل اعتماد علماےدیوبند کا طرّۂ امتیاز ہے ۔

حضرت مولانا ندیم احمد انصاری صاحب ہندستان کے اُفق پر ابھرتے ہوئے نوجوان مصنف ہیں، جن کی تحریروں کو موجودہ دور کے اہلِ علم حضرات نے کافی سراہا اور ان پر اعتماد کا اظہار کیا ہے۔ موصوف کئی کتابوں کے مصنف ہیں اور ان کے مضامین ہندستا ن کے مختلف اخبارات وجرائد میں مستقل شائع ہوتے رہتے ہیں۔ بارہا میں نے تجربہ کیا کہ ہم سوشل نیٹ ورک پر کسی علمی موضوع پر گفتگو کر تے ہوتے ہیں کہ اتنے میں حضرت مولانا کا ایک طویل مقالہ سامنے آجاتا ہے، میں سمجھتاہوں کہ علمی صلاحیت کے علاوہ باری تعالیٰ نے آپ کو ذہانت وحوصلے سے بھی کافی نوازا ہے۔ اکابر علماء میں سے بعض ایسے گذرے ہیں کہ ان کی عمر اور ان کی تصنیفات کو دیکھ کر یہ اندازہ کرنا مشکل ہو جاتاہے کہ آخر تمام بشری ضروریا ت کے ساتھ انھوں نے اتنا کیسے لکھ دیا۔۔۔مولانا ندیم احمد صاحب بھی انھیں اکابر کی روش پر گامزن نظر آتے ہیں، اللہ تبارک و تعالیٰ ان کے حوصلے کو ہمیشہ جواں رکھے ، آمین۔

READ  Eiden ke Chand Amaal aur unka hukm by Maulana Nadeem Ahmed Ansari

جسیم الدین قاسمی

استاذ ومفتی ، مرکزالمعار ف، ممبئی

۲۲؍ربیع الثانی ۱۴۳۷ھ الموافق ۲؍فروری ۲۰۱۶ء

 

Check Also

Shab-e-Mahmood Yani Shab-e-Bara’at par muhaqqaq Risala By Maulana Nadeem Ahmed Ansari

Read Online/Download شبِ محمود یعنی شبِ برأت پر محقق رسالہ از مولانا ندیم احمد انصاری …

Leave a Reply

Your email address will not be published. Required fields are marked *