آج عید الاضحی ہے
محلّے کے بچے نئے کپڑے پہنے
کر رہے ہیں ہڑ دنگ اپنے رنگ میں
عید گاہوں کو جانے کی تیاری ہے
گھروں میں پکوان بننے جاری ہیں
ہر ایک خوشی میں مست ہے
کیوں نہ ہو
عید کا پھر گشت ہے
میں ہی اداس بیٹھا ہوں
دوگانے کے انتظار میں
اس کے بعد میری عید ہی کیا
اپنے بچوں کی عید منانے کے لیے
ان کے چہروں پہ مسکان لانے کے لیے
قربانی دی ہے میں نے اپنے جذبات کی
چاہت کی، احساسات کی
یہاں اُن سے میٖلوں دور ہوں
ہر بار کی طرح مجبور ہوں
دل تو میرا بھی چاہتا ہے
اپنوں میں جا عید مناؤں
جیب گر اجازت دے
ہر سال گاؤں ہو آؤں
ایسے میں گھر چلا بھی گیا
بچے خوش تو ہوں گے
مجھے دیکھ کر
لیکن جب وہ عیدی کی ضد کریں گے
سہا نہیں جائے گامجھ سے
گیا تو تھا خوشی خوشی میں بھی اک بار
کیسے ذکر کروں وہ حادثہ بار بار
عید تھی سب کی
منا رہے تھے سب خوشی
بریانی، پلاؤ، کباب
نہ لا سکا میرا لعل تاب
بٹتی ہے انھیں میں دو دو بوٹیاں
جو چار دے گئے ہوں
کیوں دیں وہ غریبوں کو
کوئی سگے لگتے ہیں کیا
تب سے میں آنکھیں چُراتا ہوں
نچھاور کر دیتا ہوں
بچوں پر
جو کچھ جس طرح پاتا ہوں
اجی یہ میری اپنی خوشی ہے، نہ کوئی سزا ہے
اپنوں کے لیے یہ سب سہنے میں بھی
خوشی ہے، اک مزہ ہے
رابطہ: 09022278319
