اپنے ووٹ کو ضایع ہونے سے بچائیں
ندیم احمد انصاری
ان دنوں ہمارے ملک میں ووٹ کا ماحول ہے۔ چوں کہ جمہوریت میں افراد کو گِنا جاتا ہے، تولا نہیں جاتا، اس لیے ہر ایک شہری کی ذمے داری ہے کہ وہ اپنے حقِ رائے دہی کا صحیح استعمال کرے۔ جو لوگ اس -جھنجھٹ- میں پڑنے کو وقت کا ضیاع سمجھتے ہیں، وہ سمجھ لیں کہ یہ وقت کا ضیاع نہیں بلکہ آپ کا جمہوری حق اور ذمے داری ہے۔ اگر آپ سیاست کے میدان کو گندا تالاب مانتے ہیں، اور اس کی صفائی کی فکر نہیں کرتے تو کل یہ گندگی ہمارے گھروں تک پہنچ جائے گی۔مسلمانوں کے ذمّے تو شرعی طور پر بھی یہ فریضہ عائد ہوتا ہے کہ وہ ظالم کو ظلم سے روکیں۔رسول اللہ ﷺ نے ارشاد فرمایا:الناس اذا راؤ الظالم فلم یأخذوا علی یدیہ أو شک أن یعمھم اللّٰہ بعقاب۔اگر لوگ ظالم کو دیکھ کر اس کا ہاتھ نہ پکڑیں، تو کچھ بعید نہیں کہ اللہ تعالیٰ ان سب پر اپنا عذاب نازل فرمائیں۔ (جمع الفوائد)اس لیے اپنے ووٹ کو سستی یا کاہلی وغیرہ کے سبب ضایع کرنا یا کسی مفاد کے سبب صحیح استعمال نہ کرناشرعاً ناجائز اور گناہ ہے۔ شرعی نقطۂ نظر سے ووٹ کی حیثیت شہادت اور گواہی کی سی ہے اور اللہ تعالیٰ کا ارشاد ہے:ولا تکتموا الشہادۃ ومن یکتمھا فانہ آثم قلبہ۔اور تم گواہی کو نہ چھپاؤ، جو شخص گواہی کو چھپائے، اس کا دل گناہ گار ہے۔(البقرۃ)رسول اللہ ﷺنے ارشاد فرمایا:من کتم شہادۃ اذا دُعی الیھا کان کمن شھد بالزور۔جس کو شہادت کے لیے بلایا جائے، پھر وہ اسے چھپائے، تو وہ ایساہے جیسے جھوٹی گواہی دینے والا۔(جمع الفوائد) اس طرح غور کریں تو ووٹ محض دنیوی معاملہ نہیں، بلکہ ہمارا جمہوری حق اور شرعی ذمے داری ہے، جسے ضایع ہونے سے بچانا ہم پر واجب ہے۔
Apne Vote ko zaya hone se bachayen
Nadeem Ahmed Ansari
In dino hamare mulk me Voting ka mahool hai. Kyunki Democracy me logo ko gina jata hain, tola nahi jata, isliye every citizen ki zimmedari hai k wo apne voting ke right ka sahi istemaal kare. Jo log is JHANJHAT me padne ko time waste samjhte hain, wo samajh len k ye time waste nahi, balke aapka Democratic right aur responsibility hai. Agar aap Politics ke maidan ko ganda talab maante hain, aur uski safayi ki fikr nahi karte, to kal ye gandagi hamare gharo tak pahonch jayegi. Musalmano ke zimme to sharayi taur par bhi ye zimmedari hai k wo zaalim ko zulm se rokein. Rasoolullah s.a.w ne irshad farmaya :
Jo log Zaalim ko dekh kar uska hath na pakdein, to kuch door nahi k Allah ta’ala un sab par apna azaab nazil farmayen. (Jam’ul Fawaid) Isliye apne vote ko susti etc ki wajah se barbaad karna ya kisi benifit ki wajah se sahi use na karna, shariat k hisab se na jayez aur gunah hai. Shariat ki nazar se vote ki haisiyat testimony ki si hai aur Allah Ta’ala ka irshad hai :
aur tum gawahi ko na chupao, jo shakhs gawahi chupaye, uska dil gunahgaar hai. (Al Baqarah) Rasoolullah s.a.w ne farmaya :
Jisko gawahi dene ke liye bulaya jaye, phir wo use chupaye, to wo esa hai jaise jhooti gahi dene wala. (Jam’ul fawaid) Is tarah ghaur karein to vote sirf dunyawi mamla nahi, balke hamara Democratic Right aur Sharayi Zimmedari hai, Jise waste hone se bachana hum sab par wajib hai.
