چاروں خلفا کی منقبت

سیدنا حضرت ابو بکر صدیق رضی اللہ عنہ

آپ کی ذات ہے صِدق کا اِک جہاں
ثانی اثنین ہیں، ہیں عتیق آپ ہی
ہجر میں، غار میں، قبر میں، ساتھ ہیں
ہیں وہاں آپ ہی، بس جہاں ہے نبیؐ
چل دیے ثور میں لے کے کندھوں پہ جب
دیکھتا رہ گیا، آسماں، اور نبیؐ
کی حفاظت وہاں، جان پر کھیل کر
ڈس لیا سانپ نے، بہہ پڑی آنکھ بھی
ہے رفاقت جہاں میں ملی آپ کو
حوضِ کوثر پہ ہوں گے رفیق آپ ہی
آٹھوں در ہی کھلیں گے ترے عشق میں
بو بکرؓ کے لیے ہے حدیثِ نبیؐ

نتیجۂ فکر
ندیم احمد انصاری عاملؔ
1محرم 1441ھ، 1 ستمبر 2019ء

Aap ki zaat hai
sidq ka ek jahaan
Saaniyus nayn hain
hain Ateeq aap hi
Hijr mein, Ghaar mein,
Qabr mein sath hain
Hain wahan aap hi,
bas jahan hai Nabi
Chal diye Saur mein
le ke kandhon pe jab
Dekhta rah gaya
Aasmaan aur Nabi
Ki Hifazat wahan
Jaan par khel kar
Das liya saanp ne
bah padi aankh bhi
Hai rifaqat jahaan
mein mili aapko
Hauz e Kausar pe
honge rafeeq aap hi
Aatho dar hi khulenge
tere Ishq mein
Bu bakar ke liye
hai Hadees e Nabi

سیدنا حضرت عمر فاروق رضی اللہ عنہ

عدالت سے اُس کی ہوا عدل جاری
شیاطین کو بس ہوئی شرم ساری
بدلتا تھا رستہ اُسے دیکھ کر تب
تڑپتا ہے نامِ عمرؓ سے بھی جو اب
دعاؤں کی عرضی نبیؐ نے بھی کی تھی
اجازت عمرؓ کو جو عمرے کی دی تھی
نبی کے مصلّے پہ زخمی پڑا تھا
جماعت نہ چھوٹے اسی پر اڑا تھا
نبیؐ کی مراد و دعا کا اثر تھا
خلیفہ تھا دویم نبیؐ کا خُسر تھا
ہے پہلو میں سویا نبیؐ کے ابھی تک
تھا فاروق وہ وہی، وہی جو عمرؓ تھا

نتیجۂ فکر
ندیم احمد انصاری عاملؔ
1محرم 1441ھ، 1 ستمبر 2019ء

Adalat se usk
hua adl jari
Shayateen ko bas
hui sharmsari
Badalta tha rasta
use dekh kar tab
Tadapta hai naam e
Umar se bhi jo ab
Duaon ki arzi
Nabi ne bhi ki thi
Ijazat Umar ko
jo Umre di thi
Nabi ke Musalle
pe zakhmi pada tha
Jama’at na chchoote,
isi par ada tha
Nabi ki Murad o Dua
ka asar tha
Khaleefa tha doyam
Nabi ka Khusar tha
Hai pehloo mein soya
Nabi ke abi thak
Tha Farooq wo hi
wahi jo Umar tha

سیدنا حضرت عثمان غنی رضی اللہ عنہ

شرم و حیا جود و سخا اُس کا نِرالا وصف تھا
دو نور تھے حاصل اُسے، ایسا اکیلا شخص تھا
دو بیٹیاں بیاہی جسے، دوجا نہیں کوئی بشر
اس پر بھی کہتے تھے نبیؐ، دیتا تجھے ہوتی اگر
ظلم و ستم توڑے گئے، تجھ پر مدینے میں وہاں
پانی کیا تھا بند اُس کا، تھا جو تیرا ہی کنواں
حسنینؓ نے پہرا دیا، طیعنات تھے عثماںؓ کے گھر
دشمن نے حملہ کر دیا، چھینٹیں پڑیں قرآن پر
بدر و احُد کے دشت دیں گے، کل شہیدوں کی خبر
سارے صحابہؓ ہی کریں گے، فخر اِک عثمانؓ پر
عاملؔ تجھے میں نے دی دولت، نیک نفسوں کی ثنا
بے فکر ہوگا حشر میں تو، سب کہیں، اِرحم لنا

نتیجۂ فکر
ندیم احمد انصاری عاملؔ
3محرم 1441ھ، 3 ستمبر 2019ء

Sharm o Haya, Jood o Sakha
uska nirala wasf tha
do noor the hasil use
esa akela shakhs tha
do betiyaan byahi jise
dooja nahi koi bashar
is par bhi kahte the Nabi
deta tujhe hoti agar
zulm o sitam tode gaye
tujh par madine mein wahan
pani kiya tha band uska
tha jo tera hi kunwaan
Hasnain ne pehra diya
tainaat the Usman ke ghar
dushman ne hamla kar diya
chcheentein padeen Quraan par
Badr o Uhud ke dasht denge
kal shaheedon ki khabar
sare Sahaba hi karenge
fakhr ek Usman par
AAMIL tujhe meine di daulat
nek nafson ki sana
be fikr hoga hashr mein tu
sab kahen, Irham lana

سیدنا حضرت علی مرتضیٰ رضی اللہ عنہ

علیؓ کی ذات اعلیٰ ہے، نسب بھی ہے نبیؐ والا
سعادت اُن کو حاصل ہے، نبیؐ نے خود اُنھیں پالا
اُخوّت میں بھی قربت ہو گئی حاصل تھی حیدرؓ کو
علَم تھاما، فتح بھی مل گئی، اس شیرِ ببّر کو
شجاعت کا، دلیری کا، جواں مَردی کا پیکر تھا
محمدؐ کی دلاری کا، جگر گوشے کا شوہر تھا
محبّت ہے علیؓ سے، اُن کے پیاروں سے، وُہ چاروں سے
تھی اُن کو بھی عمرؓ سے، بو بکرؓ، عثمانؓ، یاروں سے
ملے گی مجھ کو بھی جنّت قیامت کی صبح تڑکے
امام الانبیاؐ کے ساتھیوں کی منقبت پڑھ کے
نہیں ہے پاس تو نیکی، فکر کیا ہے، مسلماں کو
ثناخوانوں میں عاملؔ ہے، یہی کافی ہے، رضواں کو

نتیجۂ فکر
ندیم احمد انصاری عاملؔ
2محرم 1441ھ، 2 ستمبر 2019ء

Ali ki zaat aala hai
Nasab bhi hai Nabi wala
sa’adat unko hasil hai
Nabi ne khud unhe pala
ukhuwwat mein bhi qurbat
ho gayi hasil thi Haidar ko
Alam thama, fatah bhi mil gayi
us Sher e Babbar ko
Shuja’at ka, Dileri ka,
Jawaan mardi ka paikar tha
Muhammad ki dulari ka
Jigar goshe ka Shauhar tha
Muhabbat hai Ali se,
Unke pyaron se, wo charon se
thi unko bhi Umar se, Bu bakar
Usman, Yaaron se
milegi mujh ko bhi jannat,
qayamat ki subah tadke
Imamul Ambiya ke sathiyo
ki manqabat padh ke
nahi hai paas to neki
fikar kya hai, musalmaan ko
sanakhaano mein AAMIL hai
yahi kafi hai Rizwaan ko

LEAVE A REPLY

Please enter your comment!
Please enter your name here